महाराष्ट्रात पुन्हा एकदा लॉकडाऊन?

 

 

 

पुन्हा लॉकडाऊन होणार आहे का ?...हा प्रश्न आता सर्वांना पडत आहे. जर होणार असेल तर मग मागील वर्षाच्या एकंदरीत अनुभवावरून सामान्य माणूस पुढची तोडकिमोडकी गणिते मांडायला लागला आहे. अगदीच सूक्ष्म डोळ्यांनी न दिसणारा असा हा 'कोरोना व्हायरस' आपल्या सगळ्यांच्याच आयुष्यात गोंधळ घालून गेला आहे आणि अजूनही घालत आहे. 'कोरोना व्हायरस' हा शब्द २०२० मध्ये सगळ्यात जास्त वापरलेला शब्द आहे त्यात मुळीच काही कौतुकाची बाब नाहीये. २०२० हे वर्ष सुरु झालं आणि जगाला एक नवीन वळण लागल्यासारखे झाले. सुरुवात चीनच्या एका छोट्याश्या वूहान नावाच्या प्रांतापासून झाली.

 

 

 

जागतीकीकरणाचा एक फायदा असा आहे की जगाच्या कुठल्याही कानाकोपऱ्यातली गोष्ट प्रत्यक्षरुपात तुमच्याकडे पोहचण्यास फारसा वेळ लागत नाही. अगदी तसच कोरोना विषाणूच्या बाबतीतही घडले आणि हळूहळू सगळ रूपच पालटायला लागले. जगातील इतर देशांप्रमाणे भारतातही संसर्ग प्रतिबंध करण्यासाठी उपाय म्हणून आधी जनता कुर्फ्यू लागला मग परिस्थिती अगदीच गंभीर व्हायला लागल्यामुळे लॉकडाऊन लागला. अशा पद्धतीने गाडी रुळावरून चालायची थांबली. जवळपास नोहेंबर नंतर कोरोनाग्रस्थ रुग्णांची संख्या कमी व्हायला लागली आणि सरकार हळूहळू  निर्बंध शिथिल करायला लागले. अर्थातच सामान्य माणसाच्या जीवात जीव आला आणि आता पुन्हा अश्या लॉकडाऊन चा सामना पुढे करायला नाही लागणार या आशेने तो आपली विस्कटलेली घडी निट करायला लागला.

 

 

 

 

तर मुद्दा असा आहे की आधीच मार्च २०२० पासून लॉकडाऊन लागल्याने जनसामान्याचे खूप हाल झाले आहेत. त्यामुळे कोरोनाबळी पेक्षा आता भूकबळी जास्त होतायेत की काय याची भीती आहे. आधी जेव्हा लॉकडाऊन झाले होते तेव्हा सरकारने ६ महिन्यासाठी अगदीच गरजेच्या वस्तू म्हणजे गहू , तांदूळ, डाळ, gas cylinder अशा वस्तू काही माफक दरात व काही कमी किमतीत दिल्या होत्या. त्याचा उपयोग निश्चितच सामान्य जनतेला झाला होता. आता जेव्हा पासून पुन्हा गोष्टी सुरु होताना दिसत असताना लॉकडाऊन लागेल की काय अशी नवीन भीती निर्माण व्हायला लागली आहे. या लॉकडाऊनची झळ सगळ्यात जास्त शहरी भागात वस्ती करून राहणाऱ्या लोकांना होईल. त्यासोबत ग्रामीण भागातून शहरी भागात स्थ्लांतर केलेला वर्ग यांनाही याची झळ लागल्याशिवाय राहत नाही.