तीन हजार टाके : एक विलक्षण अनुभव

अनेकदा आपण सहज चाळायला म्हणून काही पुस्तकं घेतो, आणि पहिल्या काही पानातंच ते पुस्तक असं काही मनात घर करतं, कि ते आपण एका बैठकीत वाचून काढतो, आणि त्यानंतर सुद्धा त्या पुस्तकातील कथांचे विचार, लेखकाचे विचार, अनुभवांचे विचार आपल्या मनात सतत घोळत असतात. असंच एक पुस्तक म्हणजे “तीन हजार टाके”. सुधा मूर्ती लिखित हे पुस्तक म्हणजे एक विलक्षण अनुभव. सुधा मूर्तींची लेखन शैली ही नेहमीच सामान्य माणसाच्या मनात घर करणारी असते. ते पुस्तक वाचून, हे आपल्या साठीच लिहिलं आहे, असं वाटून जातं, तीन हजार टाके देखील त्यांच्या अनेक हीरे जवाहरातांपैकी एक आहे, आणि हा खजिना त्यांनी आपल्या सगळ्यांसाठी खुला करून दिला आहे, यासाठी त्यांचे आभार मानावे तितके कमी | या पुस्तकाचा मराठी अनुवाद केला आहे लीना सोहोनी यांनी | मी सुधा मूर्तींची आतापर्यंतची सगळी पुस्तकं मराठीतूनच वाचली आहेत, त्यामुळे मी लीना सोहनी यांच्या अनुवादाच्या देखील प्रेमात आहेच.