आम्ही 'मराठी'च्या पुन्हा जवळ आलो ते यांच्यामुळे...

मराठी साहित्य, मराठी संगीत, मराठी कविता यांचा इतिहास खूप जुना आहे, मात्र आजच्या पिढीपर्यंत ही भाषा पोहोचावी, आणि केवळ पोहोचणेच नव्हे तर त्यांना ती खूप आवडावी यासाठी अनेकांनी खूप मेहनत घेतली आहे. संत तुकाराम महाराजांच्या अभंगांपासून ते आजच्या मराठी भावगीतांपर्यंत अनेक गोष्टी कारणीभूत ठरल्या ही मराठी भाषा नवीन पिढीच्या मनात खोलवर उतरवण्यासाठी, या भाषेची गोडी लावण्यासाठी आणि या भाषेला आपलंसं मानण्यासाठी. आम्हाला मराठी गाणी आणि कविता आपल्याशा वाटायला लागल्या, आवडायला लागल्या आणि महाराष्ट्राच्या बाहेरील मराठी युवा पिढीला या भाषेची ओढ निर्माण झाली यामध्ये काही कलाकारांचा सिंहाचा वाटा आहे.