Short and Crisp : तांडव

एखाद्या व्यक्तिला जेव्हा चहुबाजूंनी समस्या घेरतात, त्यावेळी त्याने काय करावं? त्याने करावा तांडव. म्हणजे? या लघुपटावरुन तुम्हाला लक्षात येईल. ही था आहे एका हवालदाराची. हवालदार तांबे याच्या जीवनात खूपच समस्या आहेत. तो एका शिपायाची नोकरी करतो त्यामुळे खूप पगारही नाही, बायकोच्या खूपच अपेक्षा, मुलीच्या शाळेच्या फीची चिंता, भ्रष्टाचार न केल्याने साथीदारांकडून आलेली वागणूक आणि अखेर गणपती विसर्नाच्या अहोरात्रीची कामाची 'ड्यूटी' एकूण कुठूनच समाधान नाही. अशा वेळेला त्याने काय केलं असणार? उत्तर आहे - तांडव.

शंकराला तांडव केल्यानंतर ज्या शांततेचा अनुभव होतो, तीच शांतता कदाचित तांबेला मिळाली असणार. विसर्जनाच्या मिरवणूकीत एक रिक्शेवाला आणि मिरवणूकीत नाचणाऱ्या सामान्य माणसात भांडण होते, आणि ते सोडवण्यासाठी ते तांबेची मदत घेतात. मात्र आपल्या जीवनात आधीच त्रस्त झालेला हवालदार तांबे अधिकच चिडतो आणि आपली बंदूक बाहेर काढतो.. आणि मग? मग काय होतं? ते या लघुपटात बघा.

या लघुपटातील तांडव म्हणजे नेमके काय? हे तर तुम्हाला हा लघुपट बघूनच कळेल. मी त्या बाबत जास्त सांगितले तर लघुपटाची मजाच निघून जाईल. त्यामुळे हा तांडव तुम्ही स्वत:च बघा. या लघुपटाची खासियत म्हणजे नेहमीप्रमाणे मनोज बाजपेयी याने या लघुपटात अप्रतिम काम केले आहे. कृति, आउच या प्रमाणे या लघुपटात देखील त्याने आपले काम चोख केले आहे. या लघुपटाचे दिग्दर्शन केले आहे देवाशीष माखिजा यांनी. यूट्यूबवर या लघुपटाला २० लाखांहून अधिक व्ह्यूज आहेत.

विशेष टीप : लघुपटाच्या शेवटच्या दृष्यासाठी तरी हा लघुपट नक्कीच बघा.